"Roma" va "Vilyarreal"ning Artyom Dovbik borasidagi muzokaralari to‘xtab qoldi. Bu haqda jurnalist Matteo Moretto xabar berdi.
Manbaga ko‘ra, tomonlar 28 yoshli ukrainalik futbolchining ijarasi borasida muzokara o‘tkazayotgan edi. Biroq kelishuv amalga oshmasligi mumkin.
Qayd etilishicha, ikki jamoa o‘rtasida kelishmovchilik yuzaga kelgan. Natijada Dovbik "Vilyarreal"ga o‘tishi haqiqatdan ancha yiroqlashgan.
Shuningdek, futbolchining o‘zi ham buni taklifga rozi bo‘lmagan. Unga "Napoli" va "Milan" jamoalari ham qiziqish bildirmoqda.
Dovbik o‘tgan mavsum "bo‘rilar" libosida A Seriyada 32 o‘yinda maydonga tushib, 12 ta gol urgan.
