Ispaniyalik yarimhimoyachi Dani Seballos «Real»ni tark etib, «Betis» futbolchisiga aylandi.
Qayd etilishicha, xavbek yangi klubi bilan uch yillik bitim imzoladi. 30 yoshli futbolchi yangi klubiga erkin agent maqomida qo‘shildi.
Dani «Betis» akademiyasi tarbiyalanuvchisi bo‘lib, asosiy jamoadagi faoliyatini ham shu klubda boshlagan edi. 2017 yilda u «Real»ga o‘tib, Madrid klubi safida bir qator sovrinlarni qo‘lga kiritdi.
Futbolchi «Real»dan ketish uchun shartnomasining so‘nggi yili va taxminan 5 million yevro miqdoridagi mablag‘dan voz kechgan.
