O‘zbekiston delegatsiyasi Aichi-Nagoya-2026 XX yozgi Osiyo o‘yinlarida yana bir oltin medalni qo‘lga kiritdi. Bu haqda O‘zbekiston Milliy olimpiya qo‘mitasi matbuot xizmati xabar berdi.
Kurash bo‘yicha O‘zbekiston milliy jamoasi a’zosi Axror Ziyodullayev -81 kg vazn toifasida muvaffaqiyatli ishtirok etib, Osiyo o‘yinlari chempioniga aylandi.
Hamyurtimiz musobaqa davomida raqiblarini mag‘lub etib, finalga qadar yetib bordi. Oltin medal uchun kechgan hal qiluvchi bellashuvda Ziyodullayev Eron vakili Ramin Ahmadzodaga qarshi gilamga chiqdi.
Final bahsida o‘z mahoratini namoyish etgan O‘zbekiston vakili eronlik raqibidan ustun kelib, shohsupaning eng yuqori pog‘onasidan joy oldi.
Shu tariqa, Axror Ziyodullayev Aichi-Nagoya-2026 Osiyo o‘yinlarida O‘zbekiston delegatsiyasi hisobiga navbatdagi oltin medalni qo‘shib qo‘ydi va kurashchilarimizning musobaqadagi muvaffaqiyatli ishtirokini davom ettirdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi