Ўзбекистон делегацияси Аичи-Нагоя-2026 XX ёзги Осиё ўйинларида яна бир олтин медални қўлга киритди. Бу ҳақда Ўзбекистон Миллий олимпия қўмитаси матбуот хизмати хабар берди.
Кураш бўйича Ўзбекистон миллий жамоаси аъзоси Ахрор Зиёдуллаев -81 кг вазн тоифасида муваффақиятли иштирок этиб, Осиё ўйинлари чемпионига айланди.
Ҳамюртимиз мусобақа давомида рақибларини мағлуб этиб, финалга қадар етиб борди. Олтин медал учун кечган ҳал қилувчи беллашувда Зиёдуллаев Эрон вакили Рамин Аҳмадзодага қарши гиламга чиқди.
Финал баҳсида ўз маҳоратини намойиш этган Ўзбекистон вакили эронлик рақибидан устун келиб, шоҳсупанинг энг юқори поғонасидан жой олди.
Шу тариқа, Ахрор Зиёдуллаев Аичи-Нагоя-2026 Осиё ўйинларида Ўзбекистон делегацияси ҳисобига навбатдаги олтин медални қўшиб қўйди ва курашчиларимизнинг мусобақадаги муваффақиятли иштирокини давом эттирди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади