«Oltin to‘p» saytida Yamal, Mbappe va Keynning sovrinni yutishiga bag‘ishlangan maqolalar paydo bo‘ldi

«Oltin to‘p» saytida turli futbolchilarning g‘alabasi haqidagi maqolalar paydo bo‘ldi, so‘ng ular o‘chirildi.

France Football nashri talqiniga ko‘ra, yilning eng yaxshi futbolchisiga beriladigan mukofotni topshirish marosimi 26-oktabr kuni (Toshkent vaqti bilan 27-oktabrga o‘tganda) Londonda bo‘lib o‘tadi.

Tadbir boshlanishidan biroz oldin «Oltin to‘p»ning rasmiy saytida mukofot sohiblari haqida uchta turli maqola paydo bo‘ldi: ulardan biri Harri Keyn, ikkinchisi Kilian Mbappe, uchinchisi esa Lamin Yamalga bag‘ishlangan edi.

Daily Mail jurnalisti Neytan Saltning yozishicha, tashkilotchilar «shok holatida» va yuz bergan voqea sabablarini aniqlash uchun tekshiruv olib bormoqda.