Fabien Bartez Fransiya milliy jamoasining murabbiylar shtabiga qo‘shildi. Bu haqda Fransiya futbol federatsiyasi (FFF) matbuot xizmati xabar berdi.
55 yoshli mutaxassis darvozabonlar murabbiyi etib tayinlandi. Avvalroq Fransiya milliy jamoasiga Zinedin Zidan bosh murabbiy etib tayinlangandi. Uning shtabidan David Bettoni, Hamidu Msaidiy, Gregori Dyupont, Stefan Plank, Farid Tabet va Klemont Iber ham joy olgan.
Ma'lumot uchun, Bartez Jahon va Yevropa chempioni, «Marsel» safida Chempionlar ligasi g‘olibi, «Manchester Yunayted» bilan ikki karra Angliya chempioni va «Monako» bilan ikki karra Fransiya chempioni bo‘lgan.
U futbolchilik faoliyatini 2007 yilda yakunlagan va shundan buyon murabbiylik faoliyati bilan shug‘ullanmagan.
Eslatib o‘tamiz, Zidan boshchiligidagi Fransiya milliy jamoasi ilk bahsini 25 sentabr kuni Millatlar ligasi guruh bosqichining 1-turida safarda Turkiyaga qarshi o‘tkazadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi