«Tottenhem» markaziy yarim himoyachisi Conor Gallagher «Everton» qiziqish doirasiga tushdi. Bu haqda BBC Sport nashri xabar bermoqda.
Manba ma’lumotlariga ko‘ra, «irislar» yanvar oyida angliyalik 26 yoshli futbolchini o‘z safiga qo‘shib olishga urinib ko‘radi. Biroq bu transfer futbolchining sotuvga qo‘yilishiga bog‘liq bo‘ladi. Ya’ni «Tottenhem» mavsum o‘rtasida angliyalik futbolchini qo‘yib yuborishga tayyormi yoki yo‘qmi — masala shu orqali hal bo‘ladi.
Bu mavsumda Conor barcha turnirlar doirasida 9 ta uchrashuvda maydonga tushib, 2 ta gol urdi. Futbolchining «taqachilar» bilan shartnomasi 2031-yilning yoziga qadar amal qiladi. Transfermarkt portali uning bozor qiymatini 32 million yevroga baholamoqda.
