Anxel Di Mariya Argentina chempionatidagi birinchi sovrinini qo'lga kiritdi.
Professional Liga Ijroiya Qo'mitasi yig'ilishida liga chempioni sovrinini ta'sis etish to'g'risida yakdil qaror qabul qilindi. U chempionatning ikki bosqichida eng ko'p ochko to'plagan jamoaga berildi. Ilgari umumiy jadvaldagi birinchi o'rin faqat Libertadores Kubogiga yo'llanma berardi.
Ijroiya Qo'mita darhol "Rosario Sentral"ni liga chempioni deb tasdiqladi. Di Mariyaning jamoasi 15 klubdan iborat liganing birinchi bosqichda (Apertura) 35 ochko va ikkinchi bosqichda (Klausura) 31 ochko to'pladi. Jami bo'lib, ular boshqa guruhdagi "Boka Xuniors" (33+29) dan 4 ochko ko'proq jamg'arishdi.
Liga sovrinni klub prezidenti, bosh murabbiy va yig'ilishda ishtirok etgan bir necha "Rosario Sentral" o'yinchilariga topshirdi.
Shuningdek, Argentina futbol assotsiatsiyasi liga chempionligini ta'sis etish Apertura hamda Klausura g'oliblari o'rtasidagi chempionlik o'yinini bekor qilmasligini alohida ta'kidladi.
