Анхел Ди Мария Аргентина чемпионатидаги биринчи совринини қўлга киритди.
Профессионал Лига Ижроия Қўмитаси йиғилишида лига чемпиони совринини таъсис этиш тўғрисида якдил қарор қабул қилинди. У чемпионатнинг икки босқичида энг кўп очко тўплаган жамоага берилди. Илгари умумий жадвалдаги биринчи ўрин фақат Либертадорес Кубогига йўлланма берарди.
Ижроия Қўмита дарҳол «Росарио Cентрал»ни лига чемпиони деб тасдиқлади. Ди Мариянинг жамоаси 15 клубдан иборат лиганинг биринчи босқичда (Апертура) 35 очко ва иккинчи босқичда (Клаусура) 31 очко тўплади. Жами бўлиб, улар бошқа гуруҳдаги «Бока Хуниорс» (33+29) дан 4 очко кўпроқ жамғаришди.
Лига совринни клуб президенти, бош мураббий ва йиғилишда иштирок этган бир неча «Росарио Cентрал» ўйинчиларига топширди.
Шунингдек, Аргентина футбол ассоциацияси лига чемпионлигини таъсис этиш Апертура ҳамда Клаусура ғолиблари ўртасидаги чемпионлик ўйинини бекор қилмаслигини алоҳида таъкидлади.
