«Tottenhem» bosh murabbiyi Roberto de Zerbi jarohat olgan futbolchilarning safga qaytish muddatlari haqida ma’lumot berdi.
«Tosin va Bergvall xalqaro tanaffusga qadar safga qaytishi kerak. Balki ular «Lids»ga qarshi o‘yinni asosiy tarkibda boshlashga tayyor bo‘lmas, ammo qaydnomaga kirishlariga umid qilaman.
Mudrik va Savinio esa tanaffusdan keyin qaytishadi», — dedi de Zerbi klub rasmiy saytiga bergan intervyusida.
Eslatib o‘tamiz, Mudrik sentabr oyida «Tottenhem» mashg‘uloti vaqtida jarohat olgan edi. Ukrainalik vinger «Chelsi»dan ijara asosida, keyinchalik sotib olish imkoniyati bilan London klubiga o‘tgan. Uning debyuti 5 sentabr kuni «Nottingem Forest»ga qarshi uchrashuvda bo‘lib, futbolchi 74-daqiqada zaxiradan maydonga tushgan.
Noyabr oyidagi xalqaro tanaffusdan keyin «Tottenhem» APL doirasidagi ilk uchrashuvini 21 noyabr kuni o‘z maydonida «Ipsvich»ga qarshi o‘tkazadi.
