«Napoli» futbolchisi Kevin de Bryuyne Chempionlar Ligasida assistlar bo'yicha yarimhimoyachilar orasida 5-o'ringa chiqdi.
Kevin Chempionlar Ligasi umumiy bosqichi 2-turidagi «Sporting»ga qarshi o'yinda (2:1) Rasmus Hoylundga 2 assist amalga oshirdi. 34 yoshli belgiyalik futbolchi hisobida endi Chempionlar Ligasi o'yinlarida 26 ta golli uzatma bor.
Bu ko'rsatkich bo'yicha u Zinedin Zidan va Andres Inyesta bilan tenglashdi. Yarimhimoyachilar orasida faqat Rayan Giggz (41), Anxel di Mariya (38), Devid Bekhem (36) va Xavi (31) undan ko'proq assist qilgan.
