Kataloniyaning «Barselona» klubi yarimhimoyachisi Oriol Romeu yozgi transferlar vaqtida jamoasini o'zgartirishi mumkin. Bu haqda Mundo Deportivo nashri xabar bermoqda.
Manbaga ko'ra, «ko'k-anorranglilar» amaldagi shartnoma kelasi yilning iyun oyida yakunlanishiga qaramay, 33 yoshli futbolchini tekinga qo'yib yuborishga tayyor.
Qayd etilishicha, «Barselona» Romeuga klub rejalarida yo'qligini aytgan.
Ma'lumot uchun, Romeu o'tgan mavsum barcha turnirlarda 31 ta o'yinda maydonga tushib, birorta samarali harakat amalga oshira olmadi. Uning Transfermarkt'dagi narxi 1,2 million yevroga baholanmoqda.
