«Arsenal» yarimhimoyachisi Martin Subimendi yozgi transfer yakuniga qadar jamoasini o'zgartirishi mumkin. Bu haqda TEAMtalk xabar berdi.
Manbaga ko'ra, «Chelsi» ispaniyalik 27 yoshli futbolchiga jiddiy qiziqish bildirmoqda. «To'pchilar» esa Martinni qo'yib yuborishga tayyor. Klub futbolchining transferidan 90 million yevro ishlab olishni rejalashtirgan.
Qayd etilishicha, «Chelsi» bosh murabbiyi Xabi Alonso Subimendining o'yin uslubini anchadan beri yuqori baholab keladi.
«Chelsi» ispaniyalik yarimhimoyachini Enso Fernandes jamoani tark etgan taqdirda, uning o'rniga asosiy nomzod sifatida ko'rmoqda.
Futbolchining «Arsenal» bilan amaldagi shartnomasi 2030 yil yoziga qadar mo'ljallangan.
Transfermarkt ma'lumotlariga ko'ra, futbolchining bozor qiymati 75 million yevroni tashkil qiladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi