Akbar Joʻrayev dast koʻtarishda jahon rekordini yangiladi

Akbar Joʻrayev dast koʻtarishda oʻzi oʻrnatgan jahon rekordini yangilab, oltin medalni qoʻlga kiritdi.

Xitoyning Ninbo shahrida davom etayotgan ogʻir atletika boʻyicha jahon chempionatida Akbar Joʻrayev hozirgina yakunlangan -110 kg vazn toifasining dast koʻtarish mashqida oltin medalni qoʻlga kiritish barobarida oʻzi oʻrnatgan jahon rekordini yangilashga muvaffaq boʻldi. Joʻrayev ushbu mashqda 198 kg natija qayd etdi.

U shu orqali oʻziga tegishli boʻlgan jahon rekordini yangiladi va oltin medalni qoʻlga kiritdi.