Italiya chempionatining 11-turidan o‘rin olgan bahsda «Parma» o‘z maydonida «Bolonya»ni qabul qildi. Unda mehmonlar 2:1 hisobida g‘alaba qozondi.
Dastlab 9-daqiqada «Parma» himoyachisi Abdulaye Ndiaye qizil kartochka olib, jamoasini bir kishi kam bo‘lib qolishiga sabab bo‘ldi. 53-daqiqada Teat mehmonlarni hisobda oldinga olib chiqdi. 72-daqiqada Rikardo Orsolini penaltini aniq amalga oshirib, «Bolonya»ning ustunligini ikki karra oshirdi. Mezbonlar esa 81-daqiqada Vensan Sierro penaltidan urgan goli bilan farqni bittaga qisqartirdi.
Bu natijadan so‘ng «Bolonya» ochkolari sonini 17 taga yetkazib, 8-o‘rinda bormoqda. «Parma» esa 8 ochko bilan 16-pog‘onada.
A Seriya. 11-tur
Parma – Bolonya 1:2
Gollar: Sierro 81 penalti – Teat 53, Orsolini 72 penalti.
