«Arsenal» markaziy hujumchisi Viktor Gokeresh jamoaning asosiy tarkibidagi o‘rnini yo‘qotganidan so‘ng faoliyatini boshqa klubda davom ettirishi mumkin. Shvetsiyalik futbolchiga bir nechta jamoa qiziqish bildirayotgani haqida insayder Ekrem Konurning sahifasida ma’lum qilindi.
Manbaga ko‘ra, Gokereshga Italiyaning «Yuventus» va «Milan» klublari, shuningdek, Saudiya Arabistonining «Al Ahli» hamda «Al Ittihod» jamoalari qiziqish bildirmoqda.
Shvetsiyalik hujumchi «Arsenal»dagi hozirgi holatidan norozi. Bunga bosh murabbiy Mikel Artetaning asosiy tarkibda nemis futbolchisi Kay Havertsga ko‘proq ishonch bildirayotgani sabab bo‘layotgani aytilmoqda.
Gokeresh o‘tgan yozda «Arsenal» safiga kelib qo‘shilgan va London klubi bilan besh yillik shartnoma imzolagan. Uning amaldagi shartnomasi 2030-yilgacha mo‘ljallangan.
Ma’lumot uchun, 27 yoshli hujumchining transfer qiymati 65 million yevroga baholanmoqda. Gokeresh «Arsenal»ning hujum chizig‘ida markaziy hujumchi sifatida o‘ynamoqda.
