Италиянинг «Рома» клуби яримҳимоячиси Алессандро Романо А Сериянинг бошқа бир жамоаси таркибига кўчиб ўтиши мумкин, деб хабар бермоқда инсайдер Экрем Конур ўзининг ижтимоий тармоқлардаги саҳифаси орқали.
20 ёшли футболчи хизматларига Туриннинг «Ювентус» клуби қизиқиш билдирмоқда. «Кекса синиора» Алессандрони яримҳимоя чизиғини кучайтириш учун муносиб номзод деб ҳисобламоқда. Футболчининг ўзи ҳам бу трансферга қарши эмаслигини билдириб улгурган.
Ушбу мавсумда Романо ижара ҳуқуқи асосида «Каляри» жамоаси таркибида тўп тепмоқда. Футболчининг амалдаги келишуви 2027 йилнинг ёзигача мўлжалланган. Иқтидорли яримҳимоячининг актуал трансфер нархи 15 миллион еврога баҳоланмоқда.
Маълумот учун, Алессандро А Серия янги мавсумида 5 та ўйинда майдонга тушиб улгурди. Хавбек «Каляри» сафида 1 та гол уришга ҳам муваффақ бўлди.
