«Ювентус» Нико Гонсалес билан шартномани узайтирди

«Ювентус» клуби яримҳимоячи Нико Гонсалес билан шартнома муддати узайтирилганини маълум қилди.

Янгиланган келишувга кўра, аргентиналик 28 ёшли вингер камида 2030 йилнинг ёзига қадар ҳимоя қилади.

Эслатиб ўтамиз, Нико 2024 йилнинг ёзида «зебралар» cафига келиб қўшилганди. Ўтган мавсумни «Атлетико»да ижара асосида ўйнаганди. Мадрид клуби сафида 35 та баҳсда майдонга тушиб, 5 та гол уришга муваффақ бўлди.

Янги келишувга кўра, футболчининг маоши ҳам оширилди. У клубда энг кўп маош олувчи ўйинчилардан бирига айланди.

Бу мавсумда Гонсалес «Ювентус» cафида барча турнирлар доирасида 5 та учрашувда майдонга тушиб, 2 та гол урди ва 1 та ассистни қайд этганди.

Аввалроқ «Ювентус» ижара асосида жамоага келиб қўшилган Гулелмо Викарионинг трансфер ҳуқуқларини «Тоттенҳэм»дан сотиб олишни режалаштираётгани хабар қилинганди.