Туркия футбол федерацияси (TFF) ташкилот раҳбарияти ва миллий жамоа мураббийлар штабидаги ўзгаришлар ҳақида расман маълум қилди.
Федерациянинг X ижтимоий тармоғида хабар беришича, директорлар кенгаши навбатдаги сайловга оид умумий йиғилишга қадар ўз фаолиятини давом эттиради. Шунингдек, аввалроқ истеъфога чиққан икки нафар кенгаш аъзосининг ўрнига Иброҳим Озбай ва Метин Акюз тайинланди.
Қарорга кўра, Туркия миллий жамоаси бош мураббийи Винченцо Монтелла билан ҳамкорлик давом эттирилмайди.
Эслатиб ўтамиз, италиялик 52 ёшли мутахассис 2023 йил сентябридан буён Туркия миллий жамоасини бошқариб келаётган эди. Унинг раҳбарлигида туркияликлар 2026 йилги жаҳон чемпионатида иштирок этишди.
Шунингдек, Туркия Миллатлар лигасининг жорий мавсумидаги дастлабки тўртта учрашувида мағлуб бўлди.
Монтелла бунга қадар «Адана Демирспор», «Севиля», «Фиорентина», «Милан», «Сампдория», «Катания» ва «Рома» клубларини бошқарган. Футболчи сифатида Винченцо «Рома» таркибида Италия чемпиони бўлган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади