Эрон чемпионатининг 8-турида «Персеполис» ўз майдонида «Санат Нафт»ни қабул қилиб, 3:1 ҳисобида ғалаба қозонди. Беллашувнинг 5-дақиқасида Игор Сергеевнинг узатмасидан сўнг Бифума ҳисобни очди. 84-дақиқада Ўзбекистон миллий жамоаси яримҳимоячиси Остон Ўрунов ўз ҳисобига гол ёзиб қўйди. Маълумот учун, у 76-дақиқада захирадан майдонга туширилганди.
Бу натижадан сўнг «Персеполис» 16 очко билан турнир жадвалида 2-ўринда бормоқда. Пешқадам «Трактор» ҳисобида 17 очко бор. «Персеполис» захирасида битта ўйин бор.
Эрон чемпионати. 8-тур
Персеполис – Санат Нафт 3:1
Голлар: Бифума 5, Али Ашур 53, Остон Ўрунов 84 – Муҳаммадҳуссайн Басери 67.
Мухлислар бу янгиликни Telegram’да муҳокама қилмоқда
Изоҳлар Telegram’да очилади