Аввалроқ мутахассислар фаворит сифатида Ҳарри Кейнни тилга олаётган бўлса, энди Ламин Ямал ушбу курашда олдинга чиқиб олди.
Маълумотларга кўра, Ямалнинг «Олтин тўп»ни қўлга киритиш имкониятлари 41%га баҳоланмоқда. Англиялик форвард Кейнда эса бу кўрсаткич 37%ни ташкил қилган.
Бошқа футболчиларнинг имкониятлари анча паст. Учинчи ўринни Килиан Мбаппе эгаллаб турибди. Франциялик футболчининг соврин учун имкониятари 4,9% деб баҳоланмоқда. Лионель Месси – тўртинчи (3,68%).
Эслатиб ўтамиз, «Олтин тўп» совринини топшириш маросими 26 октябр куни Лондонда бўлиб ўтиши режалаштирилган.
Ўтган йили ушбу совринга франциялик Усмон Дембеле эга чиққан, Ламин Ямал эса сўровномада иккинчи ўрин билан чекланишга мажбур бўлган эди.
