«Катта дубулға» туркумига кирувчи мусобақаларнинг беш карра чемпиони, собиқ жаҳоннинг биринчи ракеткаси Мария Шарапова АҚШнинг Цинциннати шаҳрида финал беллашувида мағлубиятга учраганидан сўнг, физиотерапевтнинг сўзлари уни ўйинга бўлган муносабатини қайта кўриб чиқишга мажбур қилганини айтди.
«Цинциннатидаги ўйиндан кейинги лаҳзани яхши эслайман: мен кортдан чиқдим, брейк билан олдинга ўтиб олиб, ғалабага битта гейм қолганди. Аммо кейин ўйинни бой беряпман. Менинг физиотерапевтим - ҳатто мураббий эмас, балки айнан физиотерапевт - менга шундай деганди: «Сен кучлироқ, қаттиққўлроқ бўлишинг керак бўлган пайтда юмшоқ эдинг» Бу худди кимдир юрагимга пичоқ санчгандек эди, чунки юрак, кураш ва куч — бу менинг характерим. Тўсатдан кимдир мени юмшоқ деди. Ўша ўйинга қарадим ва ўйладим: мен анча пассив эдим. Ва у мутлақо, 100% ҳақ эди», - деди Шарапова ўзининг Pretty Tough подкастида.
Эслатиб ўтамиз, 2010 йилда Шарапова Цинциннатидаги мусобақа финалида белгиялик Ким Клайстерсга 6:2, 6:7 (4:7), 2:6 ҳисобида имкониятни бой берган.
