«Барселона» вингери Ламин Ямал ёш бўлишига қарамай эришган ютуқлари ва келажакдаги мақсадлари ҳақида гапирди.
«Месси, Роналду ва Марадона каби буюк футболчилар бор. Лекин менимча, бундай ёшда кимдир бу қадар кўп соврин ютиши олдин ҳеч қачон кузатилмаган.
Пеле бор эди, аммо яқин даврларда бундай ҳолат кузатилмаган деб ўйлайман. Одамларда «у аллақачон кўп нарса ютди, балки фаолиятининг қайсидир босқичида хотиржамликка берилар», деган фикр бор.
Йўқ. Футбол тарихида қолиш учун ҳали минглаб ишларни амалга оширишим кераклигини биламан», — деди Ямал Movistar’га берган интервюсида.
Аввалроқ Ямал ҳозирда дунёнинг энг яхши икки футболчиси ким эканини айтиб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади