Ўзбекистонлик ҳакамлар Осиё Чемпионлар Лигаси-2 баҳсида ишлайди. Бу ҳақда Ўзбекистон Футбол ҳакамлар маркази матбуот хизмати хабар берди.
15 сентябр куни Осиё Чемпионлар Лигаси-2 1-тури доирасидаги «Гоҳар» (Эрон) — «Ал Жазира» (БАА) жамоалари ўртасидаги учрашувда ўзбекистонлик ҳакамлар фаолият олиб боришади. Баҳс Тожикистоннинг Ҳисор шаҳрида бўлиб ўтади.
Бош ҳакам: Рустам Лутфуллин;
Ёрдамчи ҳакамлар: Санжар Шоюсупов, Акмал Гиёсов.
Аввалроқ Илгиз Танташев бошчилигидаги ўзбекистонлик ҳакамлар ва расмийлар Элит Осиё Чемпионлар Лигасининг 1-тур учрашувларида ишлаши маълум қилинганди.
