UFC чемпиони Александр Волкановскининг мураббийи Жо Лопес Мовсар Евлоевга қарши UFC 333 турнирида мағлуб бўлган тақдирда ҳам жангчи фаолиятини якунламаслигини айтди.
«Биз бу масалани Алекс билан муҳокама қиламиз. Лекин Волкановскини яхши билганим учун айтишим мумкинки, у мағлуб бўлса: «Мағлубият билан фаолиятимни якунлашни истамайман, қайтиб келиб реванш олишни хоҳлайман», дейди.
Унинг қанчалик рақобатбардош эканини биламан. Алекс ҳар доим яхши тайёргарлик кўради ва ҳозир анча вақтдан бери бўлмаган даражада кучга эга», — деди Лопес.
Маълумот ўрнида, Волкановски — Евлоев жанги 24 октябр куни Абу-Дабида UFC 333 турнири доирасида бўлиб ўтади.
