Брюсселнинг «Андерлехт» клуби яримҳимоячиси Натан Салиба фаолиятини Испания чемпионатида давом эттиради. Бу ҳақда журналист Фабрицио Романо хабар берди.
Маълум қилинишича, канадалик футболчининг янги клуби «Вилярреал» бўлади. «Сариқ сувости кемаси» Салибанинг трансфери учун 15 миллион евро тўлайди.
Яқин вақт ичида Натан тиббий кўрикдан ўтади ва шундан сўнг янги жамоаси билан меҳнат шартномасини имзолайди.
Маълумот ўрнида, Салиба ўтган йил ёзидан буён белгияликлар сафида тўп тепмоқда. Унга қадар футболчи «Монреал» шарафини ҳимоя қилган.
Аввалроқ Иниго Перес «Вилярреал» бош мураббийи этиб тайинлангани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади