Винисиуснинг «Арсенал»га ўтиши бўйича келишув мавжуд эмас

«Реал» вингери Винисиус Жуниорнинг «Арсенал»га ўтиш бўйича келишувга эришгани ҳақидаги хабарлар тасдиқланмади.

Журналист Рамон Алварес де Моннинг маълум қилишича, футболчининг атрофидагилар Лондон клуби билан ҳеч қандай келишув бўлмаганини рад этган.

Аввалроқ ОАВ «Арсенал» 26 ёшли бразилиялик учун 105 миллион фунт стерлинг (тахминан 123 миллион евро) таклиф қилишга тайёрлиги ҳақида ёзганди. Бироқ «Реал» футболчини қўйиб юбориш учун қарийб 137 миллион фунт (160 миллион евро) талаб қилмоқда.

Маълумот учун, Винисиус 2018 йилдан буён «Реал» сафида тўп тепмоқда. У Мадрид клуби сафида барча мусобақаларда 375 та учрашувда майдонга тушиб, 128 та гол урган ва 100 та голли узатмани амалга оширган. Футболчининг амалдаги шартномаси 2027 йил ёзигача мўлжалланган. Тransfermarkt уни 140 миллион еврога баҳолайди.