Супероғир вазнда собиқ мутлақ жаҳон чемпиони Александр Усик ҳозирги даврнинг энг кучли уч нафар боксчисини маълум қилди.
«Ҳозирги pound-for-pound рейтингидаги энг яхши учлик? Теренс Кроуфорд, Канело ва Шакур Стивенсон. Менга Шакурнинг услуби ёқади, лекин унинг янада кўпроқ зарба беришини, фаолроқ бўлишини истардим. Ҳар бир комбинациядан кейин яна бир комбинация уюштириши керак. Аммо у ажойиб боксчи», — деди Усик.
Эслатиб ўтамиз, июн ойи охирида украиналик чармқўлқоп устаси барча чемпионлик камарларини бўшатишга қарор қилганини эълон қилган эди.
