Ўзбекистонлик теннисчи Камилла Раҳимова ҳам АҚШ очиқ чемпионатидаги иштирокини якунлади.
Учинчи даврада жаҳоннинг биринчи рақамли ракеткаси, беларуслик Арина Соболенкога қарши баҳс олиб борган Раҳимова 3:6, 4:6 ҳисобларида имкониятни бой берди. Шу тариқа Соболенко турнирнинг тўртинчи даврасига йўл олди.
Аввалроқ яна бир ўзбекистонлик теннисчи Мария Тимофеева рейтингда 20-ўринни эгаллаб турган бельгиялик Элиза Мертенсга ютқазиб қўйгани маълум қилинганди. Икки сет давом этган баҳсда Мертенс 6:2, 7:6 ҳисобларида ғалаба қозонган.
