Суперлига 12-туридан ўрин олган «Сўғдиёна» - «Хоразм» (2:0) учрашувидан сўнг жиззахликлар бош мураббийи Улуғбек Бақоев матбуот анжуманида иштирок этди.
«Узоқ паузадан сўнг яна чемпионатга қайтдик. Биз негадир учрашувни руҳан тушкунлик билан бошладик, бунинг сабабини билмайман. «Хоразм» жамоаси тўп билан кўпроқ муомалада бўлди.
Биз асосан тезкор ҳаракатлар эвазига биринчи таймда гол урдик, кейин иккинчи бўлимда ҳам тўп киритдик. Бу бизнинг нолга ўйнаган биринчи ўйинимиз бўлди, бунинг учун йигитларга раҳмат айтаман. Ҳаммани ғалаба билан табриклайман», — Бақоевнинг сўзларидан келтиради «Сўғдиёна» матбуот хизмати.
