Москванинг ЦСКА клуби бош мураббий Фабио Челестинини истеъфога чиқарди. Бу ҳақда клуб расмий сайти хабар берди.
Қайд этилишича, швейцариялик мутахассис ўзаро келишув асосида жамоадаги вазифасидан озод этилган. Шунингдек, Фабио билан бирга унинг ёрдамчилари Манел Эспосито, Хосе Блеса, Хавиер Нойя, Габриэле Багаттини ва Паоло Фаваретто ҳам бўшатилган.
Эслатиб ўтамиз, ЦСКА ҳозирда Россия Премер-лигасида 45 очко билан 6-ўринни эгаллаб турибди. Чемпионатнинг сўнгги 5 та ўйинида ғалаба қозона олмади.
