The Score таҳлилчилари Леброн Жеймсни ёши ва 4 миллион долларлик камтарона маошига қарамай, НБАдаги энг фойдали шартномалар рўйхатига киритди.
Лиганинг энг фойдали шартномалари рейтингида 41 ёшли Леброн биринчи ўринни эгаллади. Унинг «Филаделфия Сиксерз» билан имзоланган 7,9 миллион долларлик икки йиллик шартномаси маошлар чегарасининг атиги 2,4 фоизини ташкил этади.
Таққослаш учун: ўтган мавсумда Леброн ҳар бир ўйинда ўртача камида 20 очко, 7 та ассист ва 6 рибаунд тўплаган НБАнинг 4 нафар ўйинчисидан бири эди. Қолган уч нафари (Лука Дончич, Никола Йокич, Жейлен Жонсон) 2026/2027-йилги мавсумда 30 миллиондан 59 миллион долларгача даромад қилади.
Кучли ўнликка шунингдек қуйидаги спортчилар кирди: Пейтон Притчард («Бостон Селтикс», йилига 8 млн доллар), Никил Александр-Уокер («Атланта Ҳоукс», 15,2 млн доллар), Жейден Макдениэлс («Миннесота Тимбервулвз», 28 млн доллар), Ажай Митчелл («Оклаҳома-Сити Тандер», 2,9 млн доллар), Деррик Уайт («Бостон», 32,6 млн доллар), Коллин Гиллеспи («Финикс Санз», 12 млн доллар), Дин Уэйд («Филаделфия», 9,7 млн доллар), Кем Спенсер («Мемфис Гриззлиз», 2,6 млн доллар) ва Ландри Шамет («Ню-Йорк Никс», 6 млн доллар).
