«Барселона» дарвозабони Войцех Шесни клубда қолишга қарор қилган.
Таъкидланишича, полшалик посбон бошқа топ клубдан тушган таклифни рад этган. Ушбу жамоада у асосий дарвозабон бўлиш имконига эга эди. Бироқ Барселонадаги барқарорлик ва оилавий ҳаёт унинг учун пул ва кафолатланган ўйин амалиётидан муҳимроқ бўлиб чиқди.
Маълумот ўрнида, Шесни 2024 йил кузда «Барселона» футболчисига айланган. Шу вақтдан бери у барча мусобақаларда 40 та ўйин ўтказиб, 53 та гол ўтказиб юборган ва 14 марта дарвозасини дахлсиз сақлаган.
Унинг каталонияликлар билан амалдаги шартномаси 2027 йил ёзига қадар мўлжалланган. Аввалроқ «Барселона» спорт директори Войцехни жамоа учун муҳим футболчи эканини айтиб ўтганди.
