Колумбиялик машҳур хонанда Шакира Франция миллий жамоаси форварди Килиан Мбаппе билан алоқага чиқишда Формула-1нинг етти карра жаҳон чемпиони Люис Ҳэмилтонга мурожаат қилгани ҳақида айтиб берди.
Маълумот учун, футболчи якунига етган жаҳон чемпионати қўшиғи учун клипда суратга тушган.
«Аслида воқеа мана бундай бўлганди: мен Люис Ҳэмилтон Мбаппе билан дўстлигини билардим, шунинг учун Люисга ёздим. Унга: «Эй, Люис, мени Мбаппе билан таништириб қўй», - дедим. У шундай жавоб берди: «Яхши, ҳеч қандай муаммо йўқ». Кейин у ўзи, Килиан ва мени умумий чатга қўшди ва мен Мбаппега ёздим. Шунақа гаплар», — дея Шакира сўзларидан иқтибос келтирди LH News ўзининг Х тармоғидаги саҳифасида.
Эслатиб ўтамиз, Аргентина жаҳон чемпионати финалида Испанияга қўшимча бўлимларда имкониятни бой берди (0:1). Ягона голга ҳужумчи Ферран Торрес муаллифлик қилди.
