Бразилиянинг «Интернасионал» клуби «Севилия» ҳужумчиси Алексис Санчесга қизиқиш билдирмоқда. Манбага кўра, бразилиялик клуб футболчига икки йиллик шартнома таклиф қилишга тайёр.
Ҳозирча Испания ва Бразилия клублари ўртасида музокаралар давом этмоқда, лекин ҳали келишувга эришилмади. Санчес эса Бразилияга кўчишга тайёр эканлигини билдирган. Ҳужумчининг андалусияликлар билан амалдаги шартномаси 2026 йил 30 июнга қадар амал қилади. Ушбу мавсумда чилилик футболчи «Севилия» сафида барча турнирларда 14 та учрашувда майдонга тушиб, 2 та гол урди ва 1 та ассист амалга оширди.
Маълумоту учун, Санчес аввал «Барселона», Лондоннинг «Арсенал», «Манчестер Юнайтед» ва Миланнинг «Интер» клубларида ҳам фаолият юритган.
