«Манчестер Юнайтед» собиқ ҳужумчиси Уэйн Руни ҳамюрти Маркус Рэшфорднинг вазиятига эътибор қаратди.
Вингер ўтган мавсумни ижарада «Барселона»да ўтказди. Ш йил ёзда футболчи «қизил иблислар» сафини буткул тарк этиши кутилмоқда.
«Рэшфорд кетишини эшитиб, қаттиқ ранжидим. У манчестерлик йигит, у «Манчестер Юнайтед» сафидаги голлар бўйича рекордимни янгилаши мумкин эди. Йўқ, мен бундан ташвишда эмасман – рекорд уни янгилашлари учун ҳам мавжуд. Уни шу ерлик йигитлардан бири амалга оширса, зўр бўларди. Ҳа, охирги йилларда «МЮ»да унинг ишлари у қадар қовушмади, аммо у қанчалик кучли ўйинчилиги ҳамма яхши билади», – деди Руни BBCга берган интервюсида.
Маълумот учун Маркус Рэшфорд манчестерликлар сафида 426 та ўйинда майдонга тушиб, 138 та гол уришга муваффақ бўлди.
