Криштиану Роналду «Ан Наср» жойлашган базадан сурат эълон қилди ва постда клубни белгилади. Аввалроқ португалиялик футболчи Саудия Арабистони чемпионатидаги «Ар Риёд» ҳамда «Ал Иттиҳод»га қарши баҳсларни ўтказиб юборганди.
Хабарларга кўра, Роналду Саудия Арабистони Суверен жамғармаси (ПИФ)нинг «Ан Наср»ни рақобатчиларга нисбатан бошқариш услубидан норози бўлган ва бу ҳолат клубнинг чемпионлик учун курашига тўсқинлик қилаётганини ҳисоблаган. Шунингдек, у Карим Бенземанинг «Ал Ҳилол»га ўтишига ҳам рақобатга путур етказиши сабабли қарши чиққани айтилган.
9 феврал куни Роналду норозиликни тўхтатгани ҳақида маълумот пайдо бўлди — «Ан Наср» клуб ходимлари олдидаги маош бўйича қарздорликни тўлаб берган.
Бугун эса Роналду клуб базасидан олинган суратни эълон қилиб, постда «Ан Наср»ни белгилади.
