Италиянинг «Рома» клуби «Фламенго» футболчиси Уэслини ўз сафига қўшиб олди. Бу ҳақда клуб расмий сайти хабар берди.
Римликлар бразилиялик ҳимоячи трансфери учун 25 миллион евро тўлайди. Шунингдек, келишувда яна 5 миллион евро бонуслар ҳисобида тўланиши айтиб ўтилган.
Уэсли янги жамоасида 43-рақам остида ҳаракат қилади. Футболчи билан клуб ўзаро беш йиллик шартномага имзо чеккан.
Бу мавсумда 21 ёшли ҳимоячи Бразилия чемпионатида 27 та ўйинда майдонга тушиб, 1 гол ва 3 ассистни ўз ҳисобига ёздириб қўйганди. Аввалроқ «Рома» Фергюсон трансферини эълон қилганди.
