Бу ҳақда 365Score статистик портали хабар берди.
«Манчестер Сити» ярим ҳимоячиси ва Испания миллий жамоаси сардори Родри 2026-йилги жаҳон чемпионатидаги ғалабасидан сўнг футбол тарихида фақат уч нафар европаликка насиб этган ютуқни такрорлади.
Манбанинг хабар беришича, Родри жаҳон чемпионати, Европа чемпионати, Чемпионлар лигаси ва «Олтин тўп»ни қўлга киритган тўртинчи футболчига айланди. Унгача европалик футболчилар орасида бу ютуқни фақат германиялик Герд Мюллер ва Франс Беккенбауэр ҳамда франциялик Зинедин Зидан қайд этган эди.
Эслатиб ўтамиз, ЖЧ-2026 финал баҳсида Испания Аргентинадан 1:0 ҳисобида устун келганди. Родри мусобақа якунларига кўра турнирнинг энг яхши ўйинчиси деб топилди. 2024 йилда Испания Европа чемпионатида ғолиб чиққан. Ўшанда ҳам Родри мусобақанинг энг яхши ўйинчиси бўлган эди. 2024 йил якунларига кўра, испаниялик футболчи йилнинг энг яхши ўйинчисига бериладиган соврин – «Олтин тўп» билан тақдирланди. Бундан ташқари, 2023 йилда Родри «Манчестер Сити» билан бирга клублар ўртасидаги асосий еврокубок мусобақасида зафар қучган.
