«Ал Қодисия» яримҳимоячиси Тиани Рейндерс нима сабабдан Саудия Арабистони чемпионатига келганини айтди.
«Фаолиятимни якунлагандан кейин ишлашни истамайман. Албатта, эҳтимол, «Манчестер Сити» билан шартномам тугаганидан кейин ҳам ишлашим шарт бўлмас эди. Аммо бу трансфер оиламнинг кейинги авлодлари келажагини таъминлаш имконини беради. Буни яширмайман. Ушбу шартномани имзолаганимдан сўнг ҳатто набираларимнинг ҳам молиявий барқарорлигини таъминлашим мумкин.
Нега бундай имкониятдан фойдаланмаслигим керак. Пул учун кетганимни танқид қилаётган одамларни айблай олмайман. Агар сизга катта маош таклиф қилишса, буни инкор этиш қийин. Ишончим комилки, кўпчилик бундай таклифга рози бўлади. Бундай пулдан воз кечиш деярли имконсиз», — дея Рейндерснинг сўзларидан келтиради The Touchline нашри.
Маълумот учун, «Ал Қодисия» Саудия Пролигаси турнир жадвалида 4-ўринни эгаллаб турибди.
