«Реал» клуби бош мураббий Хаби Алонсони истеъфога чиқарганини эълон қилди.
Мадрид клуби Испания Суперкубоги финалида «Барселона»га мағлуб бўлганидан сўнг мураббий билан хайрлашди.
Аввалроқ «қироллик клуби» раҳбарияти Алонсонинг келажаги бўйича тезкор йиғилиш ўтказиши мумкинлиги хабар қилинганди.
Маълумот учун, «Реал» Испания чемпионати турнир жадвалида 19 та ўйиндан кейин 45 очко тўплаб, 2-ўринни эгаллаб турибди. Пешқадам «Барселона» эса жамоадан 4 очкога олдинда бормоқда.
