«Реал» бош мураббийи Хаби Алонсо Испания суперкубоги финалида «Барселона»га қарши мағлубият (2:3)дан кейин истеъфога чиқарилиши мумкин. Бу ҳақда MatchDay Central нашри хабар берди.
«Қироллик клуби» раҳбарияти Хаби Алонсонинг ишидан норози. Яқин вақт ичида клубда йиғилиш ўтказилиб, унда испаниялик мураббийни ишдан бўшатиш бўйича қарор қабул қилиниши мумкин.
Маълумот ўрнида, мадридликлар Испания чемпионати турнир жадвалида 19 та ўйиндан кейин 45 очко тўплаб, 2-ўринни эгаллаб турибди. Пешқадам «Барселона» эса жамоадан 4 очкога олдинда бормоқда.
