Испаниялик мутахассис Карлос Висенс Франциянинг «Лион» клуби бош мураббийи этиб тайинланди. Бу ҳақда жамоа матбуот хизмати ижтимоий тармоқларда хабар берди.
Маълумот учун, 43 ёшли мураббий бу лавозимда Лиссабоннинг «Спортинг» клубида ишлаш учун жамоани тарк этган Паулу Фонсеканинг ўрнини эгаллади. Келишув 2028 йилнинг ёзига қадар мўлжалланган.
Эслатиб ўтамиз, Висенс бир неча ҳафта аввал Португалиянинг «Брага» клубидан истеъфога чиқарилган эди. У 2025 йил ёзидан буён ушбу жамоани бошқариб келаётганди.
Испаниялик мутахассис бунга қадар саккиз йил давомида «Манчестер Сити» тизимида фаолият юритган. Ушбу даврда Пеп Гвардиолага асосий жамоада ҳам ёрдам берган.
Франция чемпионатининг 10-туридан кейин «шерлар» 17 очко билан турнир жадвалининг бешинчи поғонасидан жой олган.
