«Наполи» клуби «Челси» ҳимоячиси Бенуа Бадиашилни ўз сафига қўшиб олганини эълон қилди.
Қайд этилишича, франциялик футболчи ижара асосида Неапол клубига келиб қўшилган. Келишувда футболчини кейинчалик сотиб олиш имконияти ҳам кўзда тутилган.
Аввалроқ футболчининг трансфер қиймати 20 миллион еврони ташкил этиши ҳақида хабарлар тарқалганди.
Бадиашил «Челси» сафида жами 71 та расмий учрашувда майдонга тушиб, 2 та гол урган ва 1 та голли узатмани амалга оширган. Бунга қадар «Монако» шарафини ҳимоя қилган.
