«Барселона» академияси тарбияланувчиси Андрес Куэнка фаолиятини Италия чемпионатида давом эттиради.
Испаниялик 19 ёшли ҳимоячи «Комо» клуби билан 2030 йилгача мўлжалланган шартнома имзолади.
«Андрес Куэнка — ажойиб техник маҳорати, кучли жисмоний тайёргарлиги ва катта салоҳиятга эга ёш ҳимоячи. У замонавий футбол талабларига жавоб беради, тўп билан ишлашда ўзини эркин ҳис қилади ва ҳужумларни ишончли бошлай олади. Лойиҳамиз доирасида у янада катта ўсишга эришишига ишонамиз. Уни «Комо»да кўриб турганимиздан жуда мамнунмиз», — деди жамоа бош мураббийи Сеск Фабрегас.
Куэнка 2025/2026 йилги мавсумнинг иккинчи қисмини Хихоннинг «Спортинг» клубида ўтказган.
