«Арсенал» етакчиларидан бири Деклан Райс лондонликлар мухлисларини Чемпионлар Лигаси финалига таклиф қилди.
Эслатиб ўтамиз, мусобақанинг ҳал қилувчи ўйини 2026 йил 30 май куни Будапештдаги «Пушкаш Арена» стадионида бўлиб ўтади.
«Келинглар, келинглар – мен тайёр бўламан. Будапешт, мен «Арсенал»нинг барча мухлисларини стадионда кўргим келяпти. 200 минг мухлис, келинглар! Бу кечани биргаликда чинакамига ўзгача қиламиз. Мен ҳар доим айтиб келганман, «Арсенал» бу шунчаки клуб эмас. Бу – оила. Биз бир-биримизни қўллаб-қувватлаймиз. Шу бирдамлик бизни ҳозирги ўрнимизга олиб келди», — дея Райснинг сўзларидан иқтибос келтирди машҳур инсайдер Фабрицио Романо.
