Босниялик яримҳимоячи Миралем Пянич профессионал футболчилик фаолиятига якун ясаганини маълум қилди. Тuttosport нашри келтирган интервюда 35 ёшли футболчи энди футбол ўйнамаслигини айтди.
«Энди ўйнамайман. Карерам якунланди. Ҳозир Дубайда яшайман ва футбол билан шуғулланмайман. Кичкина ўғлимнинг тарбияси мен учун энг устувор масала», — деди Пянич.
Пянич фаолияти давомида «Мец», «Лион», «Рома», «Ювентус», «Барселона», «Бешиктош» ва «Шаржа» каби клублар шарафини ҳимоя қилган.
Босниялик футболчи фаолияти давомида 12 та совринни қўлга киритган.
