Пуйол Моуринио қўл остида «Реал»нинг имкониятлари ҳақида гапирди

«Барселона»нинг собиқ ҳимоячиси Карлес Пуйол Жозе Моуринио қўл остида «Реал» янада кучайиши мумкинлигини таъкидлади.

«Биз буюк мураббий ҳақида гапиряпмиз. Мен у билан ёшлар жамоасидан асосий таркибга ўтганимда, «Барселона»да танишганман. Ўшанда ҳам унинг футболни нақадар чуқур тушуниши сезилиб турарди. Кейинчалик у ёрқин фаолият олиб борди ва «Реал»ни ҳам бошқарди. Ўша вақтда биз айни кучга тўлган эдик — ўша ажойиб рақобатни яхши эслайман.

Ўшанда Гвардиола ва Моуринио, Месси ва Криштиану қарама-қаршилиги фонида икки буюк жамоа майдонда порлаган эди. Воқеалар қандай ривожланишини кузатамиз. Мен ҳамон «Барселона» кучли жамоа эканига ва ажойиб мавсум ўтказишга қодирлигига ишонаман. Моуринио билан «Реал» янада қудратлироқ бўлиши мумкин», — дея Пуйолнинг сўзларидан иқтибос келтиради Marca нашри.

Эслатиб ўтамиз, «Реал» янги мавсумни 22 август куни «Эспанёл»га қарши ўйин билан бошлайди.