«Наполи» клуби аргентиналик яримҳимоячи Франко Мастантуонога жиддий қизиқиш билдирмоқда. Бу ҳақда журналист Экрем Конур хабар берди.
Ҳозирда 19 ёшли футболчи ижара асосида «Фиорентина»да ўйнамоқда. У ҳуқуқий жиҳатдан «Реал»га тегишли ҳисобланади.
«Наполи» раҳбарияти Мастантуононинг вакиллари билан алоқага чиқиб, эҳтимолий трансфер имкониятларини ўрганмоқда.
Маълумот учун, Мастантуоно 2026 йил ёзида «Реал»дан «Фиорентина»га ижарага ўтган.
Аргентиналик футболчининг Италиядаги мавсуми эса жуда сермаҳсул бошланди. У «Венеция»га қарши учрашувда ҳет-трик қайд этиб, «Фиорентина»га 4:2 ҳисобидаги ғалабани таъминлади. Бу Мастантуононинг профессионал фаолиятидаги илк ҳет-триги бўлди.
Умуман, Мастантуоно «Фиорентина»даги дастлабки бешта учрашувида тўртта гол урган. Унинг «Реал» билан шартномаси эса 2031 йилга қадар амал қилади.
