«Бавария» ҳужумчиси Ҳарри Кейн аргентиналик Лионел Месси ва португалиялик Криштиану Роналду эришган ютуқларни такрорлаш мумкинлиги ҳақида изоҳ берди.
Фаолияти давомида Кейн икки марта Европа лигаларининг энг яхши тўпурари бўлган. Агар у буни учинчи марта амалга оширса, Месси ва Роналду қайд этган натижалардан бирини такрорлайди. Улардан бошқа ҳеч ким «Олтин бутса»ни уч марта ютмаган.
«Месси ва Роналду бутун бир авлод давомида футболда ҳукмронлик қилишган. Улар тарихдаги энг яхшилардан бири. Бир рўйхатда улар билан ёнма-ён бўлишнинг ўзи ўзгача. Бу менинг мақсадларимдан бири. Ҳужумчидан ҳар доим гол кутилади. Албатта, «Олтин бутса» менинг ягона мақсадим эмас, лекин агар уни қўлга киритсам, жамоага ёрдам беришимни тушунаман», - дея Кейн сўзларидан иқтибос келтиради Marca.
Маълумот учун, янги мавсумда Кейн барча мусобақаларда 6 та ўйинда 4 та гол уришга эришди ва 1 та голли узатма етказиб берди.
